ການປ່ຽນແປງຂອງສະພາບດິນຟ້າອາກາດ ແມ່ນວິກິດການລະດັບໂລກທີ່ກະທົບຢ່າງຮຸນແຮງຕໍ່ການດຳລົງຊີວິດ ແລະ ການຜະລິດອາຫານ. ຊາວໜຸ່ມ, ໃນຖານະຜູ້ສືບທອດວຽກງານກະສິກໍາ ແລະ ຜູ້ນຳໃນອະນາຄົດ, ມີບົດບາດສຳຄັນໃນການຂັບເຄື່ອນ ການປ່ຽນແປງສູ່ລະບົບກະສິກໍາທີ່ສະຫຼາດ ທີ່ປັບໂຕໄດ້ກັບສະພາບການປ່ຽນແປງຂອງດິນຟ້າອາກາດ. ເຖິງຢ່າງໃດກໍຕາມ, ຫຼາຍຄົນຍັງຂາດເວທີໃນການນຳເອົາແນວຄິດປະດິດສ້າງ, ປະສົບການ ແລະ ວິທີປະຕິບັດໃໝ່ໆມາແບ່ງປັນ.

ດັ່ງນັ້ນ, ການແຂ່ງຂັນສ້າງຮູບເງົາໄວໜຸ່ມໃນຄັ້ງນີ້ ຈຶ່ງໄດ້ນຳໃຊ້ພະລັງຂອງສື່ຮູບເງົາ ເຊິ່ງເປັນສື່ທີ່ມີຄວາມເປັນສາກົນ ແລະ ດຶງດູດຄວາມສົນໃຈ ເພື່ອ:

• ໃຫ້ຄວາມຮູ້: ແກ່ຊາວໜຸ່ມຊາວກະສິກອນກ່ຽວກັບຜົນກະທົບຂອງການປ່ຽນແປງດິນຟ້າອາກາດ ແລະ ວິທີການຜະລິດແບບຍືນຍົງ.
• ສົ່ງເສີມ: ການເລົ່າເລື່ອງແບບສ້າງສັນ ກ່ຽວກັບ ນະວັດຕະກໍາໃນກະສິກຳ ແລະ ວິຖີຊີວິດທີ່ທົນທານຕໍ່ສະພາບດິນຟ້າອາກາດ.
• ສ້າງຄວາມເຂັ້ມແຂງ: ໃຫ້ແກ່ການມີສ່ວນຮ່ວມຂອງຊາວໜຸ່ມ ໃນການອອກແບບ ແລະ ຂະຫຍາຍ ແນວປະຕິບັດທີ່ດີ.
• ສ້າງເຄືອຂ່າຍ: ລະຫວ່າງຊາວໜຸ່ມຜູ້ສ້າງຮູບເງົາ, ຊາວໜຸ່ມກະສິກອນ, ນັກຄົ້ນຄວ້າ, ແລະ ນັກເຄື່ອນໄຫວດ້ານສິ່ງແວດລ້ອມ.

1. ເພີ່ມຄວາມເຂົ້າໃຈ: ກ່ຽວກັບຜົນກະທົບຂອງການປ່ຽນແປງດິນຟ້າອາກາດຕໍ່ກະສິກຳລາວ ແລະ ຍຸດທະສາດການປັບຕົວ ຜ່ານການເລົ່າເລື່ອງ.
2. ສະໜອງຊັບພະຍາກອນ: ທີ່ປຶກສາ (mentorship), ແລະ ເວທີໃຫ້ແກ່ນັກສ້າງຮູບເງົາໜຸ່ມ ເພື່ອສື່ສານຢ່າງມີປະສິດທິພາບ.
3. ສົ່ງເສີມການສົນທະນາ: ລະຫວ່າງຊາວໜຸ່ມກະສິກອນ, ນັກສ້າງຮູບເງົາ, ຜູ້ຊ່ຽວຊານ ແລະ ຜູ້ກຳນົດນະໂຍບາຍ.
4. ເຊື່ອມຕໍ່ຊາວໜຸ່ມ: ທີ່ມີແນວຄິດຄ້າຍຄືກັນທີ່ສົນໃຈໃນການປັບປຸງຄວາມໝັ້ນຄົງດ້ານສະບຽງອາຫານ ແລະ ການຜະລິດກະສິກໍາ.